ພວກເຮົາຫ່ວງໃຍຜູ້ຄົນ ແລະ ໂລກໃບນີ້ 

ບໍລິສັດສະໂຕຣາເອັນໂຊຢາກໃຫ້ທຸກຄົນຢູ່ບ້ານຢ່າງປອດໄພ ລວມທັງພະນັກງານ ຂອງພວກເຮົາ, ຜູ້ຮັບເໝົາ ແລະ ຜູ້ສະໜອງຂອງພວກເຮົາຕະຫຼອດຮອດແຂກຜູ້ມາຢ້ຽມຢາມສະໜາມຂອງພວກເຮົາທັງໝົດ. ເປົ້າໝາຍຂອງພວກເຮົາແມ່ນປາສະຈາກອຸບັດຕິເຫດໃດໆ ແລະ ພວກເຮົາເຮັດວຽກທຸກໆມື້ເພື່ອໃຫ້ບັນລຸເປົ້າໝາຍນັ້ນ.

ຢູ່ທີ່ Stora Enso, ຄວາມປອດໄພເລີ່ມຕົ້ນຈາກການບໍລິຫານຄຸ້ມຄອງ ແຕ່ມັນຍັງເປັນຄວາມຮັບຜິດຊອບ ຂອງທຸກຄົນໃນການເຮັດວຽກຢ່າງປອດໄພ. ພວກເຮົາເຊື່ອໝັ້ນໃນການສ້າງວັດທະນະທຳຄວາມປອດໄພແບບເປີດເຜີຍ ທີ່ທຸກຄົນສາມາດໃຫ້ຄຳຕິຊົມ ແລະ ສັງເກດການກ່ຽວກັບການປະພຶດທີ່ປອດໄພ ແລະ ບໍ່ປອດໄພ ແລະ ເງື່ອນໄຂໃນການສ້າງ ທີ່ສ້າງສັນ. ເມື່ອພວກເຮົາເລືອກທາງເລືອກ ແລະ ການຕັດສິນໃຈທີ່ດີກ່ຽວກັບຄວາມປອດໄພ ແລະ ບອກໃຫ້ກັນຮູ້ເມື່ອພວກເຮົາຈຳເປັນຕ້ອງປັບປຸງໃຫ້ດີຂຶ້ນ, ທຸກໆອຸບັດຕິເຫດສາມາດປ້ອງກັນໄດ້.

ພວກເຮົາເຊື່ອໝັ້ນວ່າ ຄວາມຫຼາກຫຼາຍຊ່ວຍຮັດແໜ້ນການແຂ່ງຂັນ ຂອງພວກເຮົາ ແລະ ພະຍາຍາມໃນການສະທ້ອນສັງຄົມບ່ອນທີ່ພວກເຮົາດຳເນີນທຸລະກິດຢູ່. ທີມງານເຮັດວຽກທີ່ມີຄວາມຫຼາກຫຼາຍຊ່ວຍໃຫ້ພວກເຮົາຄົ້ນຫາທັດສະນະທີ່ແຕກຕ່າງ ແລະ ສິ່ງທ້າທາຍວິຖີຄິດ ຂອງພວກເຮົາ, ຊ່ວຍໃຫ້ການຕັດສິນໃຈໄດ້ດີ.   ຄວາມຫຼາກຫຼາຍສຳລັບພວກເຮົາແມ່ນໝາຍເຖິງຄວາມຫຼາກຫຼາຍດ້ານຕ່າງໆ ລວມທັງເພດ, ອາຍຸ, ທັກສະ, ປະສົບການ, ວັດທະນະທຳ ແລະ ບຸກຄະລິກະພາບ. 

Stora Enso ຍຶດຖືປະຕິບັດຕາມສິດທິມະນຸດ ແລະ ມາດຕະຖານທາງດ້ານແຮງງານທີ່ເປັນທີ່ຍອມຮັບຂອງສາກົນ ແລະ ຈະຖືກບັງຄັບໃຊ້ກັບພະນັກງານທັງໝົດຂອງພວກເຮົາ. ພວກເຮົາບໍ່ອົດທົນຕໍ່ການເລືອກປະຕິບັດຕໍ່ກັບໃຜຜູ້ໜຶ່ງບົນພື້ນຖານຊົນເຜົ່າ, ອາຍຸ, ເພດ, ຄວາມພິການ, ການບ່ຽງເບນທາງເພດ, ຄວາມເຊື່ອທາງສາສະໜາ, ຄວາມຄິດເຫັນທາງການເມືອງ, ສະຖານະຄອບຄົວ, ສັງຄົມກຳເນີດ ຫຼື ລັກສະນະອືື່ນໆດັ່ງນັ້ນ. 

ເຊ່ັນດຽວກັນ, ພວກເຮົາບໍ່ຍອມໃຫ້ອະໄພຕໍ່ການລະເມີດຄຸກຄາມທຸກຮູບການ ລວມທັງການໃຊ້ຄວາມຮຸນແຮງ, ການຄຸກຄາມທາງເພດ, ການລົງໂທດ ຫຼື ການລະເມີດທຸກຮູບແບບ. ພວກເຮົາບໍ່ອະນຸຍາດໃຫ້ບັນຄັບແຮງງານ ຫຼື ແຮງງານເດັກ. 

ພວກເຮົາເຄົາລົບສິດທິຂອງພະນັກງານ ຂອງພວກເຮົາໃນການຈັດຕັ້ງ, ຮ່ວມສະມາຄົມ ແລະ ກຳມະບານ, ແລະ ເຈລະຈາຕໍ່ລອງລວມໝູ່ກັບບໍລິສັດ. ບ່ອນໃດທີ່ເຫັນວ່າຈຳເປັນ, ພວກເຮົາພະຍາຍາມອຳນວຍຄວາມສະດວກຕໍ່ການເປັນຕົວແທນກຳມະກອນຮູບແບບອື່ນໆ. 

ການດຳເນີນງານ ຂອງ Stora Ensoຫຼັກໆແມ່ນອີງໃສ່ບັນດາຊຸມຊົນທ້ອງຖິ່ນສຳລັບແຮງງານທີ່ກະຕືລືລົ້ນ ແລະ ແຂ່ງຂັນ ລວມທັງການຈັດຫາວັດຖຸດິບທີ່ສຳຄັນທີ່ສຸດເຊັ່ນ: ໄມ້. ພວກເຮົາຕ້ອງການຮັບປະກັນວ່າ ບັນດາຊຸມຊົນເຫຼົ່ານີ້ສາມາດເຕີບໂຕທາງດ້ານເສດຖະກິດ, ສັງຄົມ, ແລະ ສິ່ງແວດລ້ອມໃນໄລຍະຍາວ. 

ເພື່ອເຮັດສິ່ງນີ້ໄດ້, ພວກເຮົາພະຍາຍາມທີ່ຈະປະກອບສ່ວນທີ່ດີເຂົ້າໃນການພັດທະນາເສດຖະກິດ ແລະ ສັງຄົມ ຂອງຊຸມຊົນເຫຼົ່ານີ ແລະ ເພື່ອຫຼຸດຜ່ອນຜົນກະທົບທາງລົບ ຂອງການດຳເນີນງານ ຂອງພວກເຮົາຕໍ່ຊຸມຊົນໃຫ້ມີໜ້ອຍທີ່ສຸດ. ການລົງທຶນກັບຊຸມຊົນແບບສະໝັກໃຈໃຫ້ປະໂຫຍດແກ່ທັງຊຸມຊົນ ແລະ ບໍລິສັດໃນໄລຍະຍາວ ເຊິ່ງເປັນເຫດຜົນທີ່ Stora Enso ສະໜັບສະໜູນຊຸມຊົນຕ່າງໆອ້ອມແອ້ມໂຮງຜະລິດ ແລະ ກິດຈະການໃນຫຼາຍວິທີ. ພວກເຮົາຍັງເຂົ້າຮ່ວມໃນການສົນທະນາປຶກສາຫາລືແບບຕັ້ງໜ້າກັບຜູ້ມີສ່ວນກ່ຽວຂ້ອງໃນທ້ອງຖິ່ນ.

ພວກເຮົາເຂົ້າຮ່ວມກັບຜູ້ມີສ່ວນກ່ຽວຂ້ອງ ຂອງພວກເຮົາ ແລະ ແກ້ໄຂບັນຫາສັງຄົມໂດຍຮ່ວມກັບຜູ້ຮ່ວມງານໃນລະດັບທ້ອງຖິ່ນ, ລະດັບຊາດ ແລະ ພາກພື້ນ. 

ພວກເຮົາເຄົາລົບວັດທະນະທຳ, ປະເພນີ, ແລະ ຄ່ານິຍົມ ຂອງຊຸມຊົນທ້ອງຖິ່ນ ແລະ ສ້າງສາຍສຳພັນກັບເຂົາເຈົ້າເພື່ອຮັດແໜ້ນຄວາມເຂົ້າໃຈເຊິ່ງກັນ ແລະ ກັນ ໃນເວລາດຽວກັນກໍ່ພະຍາຍາມທີ່ຈະດຳເນີນຊີວິດຕາມຄ່ານິຍົມທີ່ໄດ້ກຳນົດໄວ້ໃນຫຼັກປະຕິບັດ ຂອງ Stora Enso.

ໃນຖານະເປັນບໍລິສັດວັດສະດຸທົດແທນ, Stora Enso ຢູ່ໃນຕຳແໜ່ງທີ່ມີເອກະລັກສະເພາະຕົວໃນການຕໍ່ສູ້ກັບພາວະໂລກຮ້ອນ ເພາະສິນຄ້າທີ່ເຮັດຈາກໄມ້ຂອງພວກເຮົາສະໜອງທາງເລືອກາກບອນຕ່ຳໃຫ້ແກ່ວິທີການແກ້ໄຂບັນຫາໂດຍອີງໃສ່ຊາກດືກດຳບັນ ແລະ ເກັບຮັກສາກາກບອນ ທັງຜ່ານການນຳກັບມາໃຊ້ຄືນໃໝ່. ຕົ້ນໄມ້ໃນປ່າຄຸ້ມຄອງເພື່ອຄວາມຍືນຍົງໄດ້ດູດຊັບເອົາທາດກາກບອນໄດອົກຊາຍຈາກຊັ້ນບັນຍາກາດ ແລະ ເຮັດໜ້າທີ່ເປັນບ່ອນເກັບກັບກາກບອນ.

ພວກເຮົາຍັງຕໍ່ສູ້ກັບພາວະໂລກຮ້ອນໃນການດຳເນີນງານ ຂອງພວກເຮົາ ຕົວຢ່າງ: ປັບປຸງຄວາມມີປະສິດທິພາບທາງພະລັງງານ ແລະ ທົດແທນພະລັງງານເຊື້ອໄຟຈາກຊາກດຶກດຳບັນດ້ວຍເຊື້ອໄຟຊີວະມວນ. ນອກຈາກນີ້, ພວກເຮົາເຄີຍໄດ້ເປັນທີໜຶ່ງໃນອຸດສະຫະກຳ ຂອງພວກເຮົາໃນການຕັ້ງເປົ້າໝາຍລັກສະນະວິທະຍາສາດ ດ້ວຍຄວາມປາດຖະໜາອັນແຮງກ້າໃນການຫຼຸດຜ່ອນອາຍເຮືອນແກ້ວທັງໃນການດຳເນີນກິດຈະການຂອງພວກເຮົາ ແລະ ຕະຫຼອດຕ່ອງໂສ້ອຸປະທານ. ເປົ້າໝາຍນີ້ຈະຊ່ວຍພວກເຮົາແບ່ງປັນເພື່ອຮັກສາອຸນຫະພູມໂລກທີ່ເພີ່ມຂຶ້ນໄວ້ຕ່ຳກວ່າ  2˚C  ຕາມທີ່ໄດ້ຕົກລົງເຫັນດີໃນສັນຍາປາຣີ.

ວັດຖຸດິບຫຼັກ ຂອງພວກເຮົາຄື ໄມ້ ແມ່ນສາມາດທົດແທນໄດ້ ເຊິ່ງສາມາດປູກຄືນໄດ້. ຜະລິດຕະພັນຂອງພວກເຮົາເກັບກັກກາກບອນ ແລະ ພວກມັນສາມາດນຳກັບມາໃຊ້ໃໝ່ໄດ້.ໃນນັ້ນມີບາງຜະລິດຕະພັນທີ່ສາມາດຍ່ອຍສະຫຼາຍເປັນຊີວະພາບໄດ້ ແລະ ພວກມັນສາມາດຖືກນຳໃຊ້ເປັນພະລັງງານທົດແທນໄດ້ໃນຕອນທ້າຍ ຂອງວົງຈອນຊີວິດ ຂອງພວກມັນ. ພວກເຮົາຈັດຫາໄມ້ຈາກປ່າຄຸ້ມຄອງທີ່ມີຄວາມຍືນຍົງເທົ່ານັ້ນ ແລະ ພວກເຮົານຳໃຊ້ຊັບພະຍາກອນໃຫ້ມີປະສິດທິຜົນເທົ່າທີ່ຈະເຮັດໄດ້. ທັງໝົດນີ້ໃຫ້ເປີດໂອກາດໃຫ້ພວກເຮົາດຳເນີນງານທັງໃນວົງຈອນຂອງເສດຖະກິດ ແລະ ຊີວະພາບເສດຖະກິດ ແລະ ສົ່ງຜົນຕໍ່ສະພາບດິນຟ້າອາກາດທົ່ວໂລກ ແລະ ສິ່ງແວດລ້ອມໃນທາງບວກ.

ແຕ່ວ່າ ການດຳເນີນກິດຈະການ ແລະ ຕ່ອງໂສ້ມູນຄ່າຂອງພວກເຮົາຍັງຜະລິດການປ່ອຍພະລັງງານອອກມາໃສ່ອາກາດ ແລະ ນ້ຳ. ເພື່ອປົກປ້ອງຊີວະນາໆພັນ, ທາງນ້ຳ, ດິນຟ້າອາກາດ ຂອງພວກເຮົາ, ແລະ ດິນ, ພວກເຮົາເຮັດວຽກຢ່າງບໍ່ຢຸດຢັ້ງ ແລະ ເປັນລະບົບເພື່ອໃຫ້ສະພາບແວດລ້ອມດີຂຶ້ນ ໂດຍການຕັ້ງເປົ້າໝາຍ, ວາງມາດຕະຖານ ແລະ ການລາຍງານຄວາມຄືບໜ້າ ຂອງພວກເຮົາ. 

ພວກເຮົາເຊື່ອໝັ້ນວ່າ ພະນັກງານ ຂອງພວກເຮົາທັງໝົດສາມາຊ່ວຍພວກເຮົາໃຫ້ດີຂຶ້ນໄດ້. ຖາມຕົວເອງ: ສິ່ງໃດທີ່ຂ້ອຍສາມາດຊ່ວຍເພື່ອສົ່ງເສີມຄວາມຍືນຍົງໃນບ່ອນເຮັດວຽກໄດ້ແນ່?